影片
更多
2020-10-16
737 瀏覽
自從join了24/7 Gym 會籍, 收工去做gym成爲新常態，一個會籍可以去任何一間Center, 去厭了一間有時便會轉去另一間做，都幾過癮。呢晚係銅鑼灣Center做完Gym, 肚仔餓到打曬鼓，原本想行去銅鑼灣同灣仔交界的一間臺灣店，行到附近發現對面街新開左間餐廳- 馬泰，門口望左下Menu都覺得幾吸引，一於試一試佢。兩個人，叫左份無骨海南鷄飯同埋一份印尼娘惹咖喱配牛肉，另外再叫一杯班蘭珍多冰。班蘭珍多冰大大杯，飲珍多冰最鍾意食佢個好似啫喱狀一條條的東西，飲到極香濃的班蘭味，呢杯飲品頗有驚喜！無骨海南鷄配黃油飯，海南雞肉質都頗滑，用旁邊酸酸地辣辣地的醬汁點來吃，味道不差的。我呢個印尼娘惹咖喱配牛肉，咖喱汁落足香料，食到有八角同埋香茅，個汁做得幾有水準，直頭可以成碗飯撈呢個汁就緊食都正。不過呢個咖喱就唔包飯，另外加多碗普通白飯就加$12。兩份正餐加一杯珍多冰，無加一，$200樓下埋單，呢個係銅鑼灣價錢來講, 都算叫做性價比高嘅.
自從join了24/7 Gym 會籍, 收工去做gym成爲新常態，一個會籍可以去任何一間Center, 去厭了一間有時便會轉去另一間做，都幾過癮。
呢晚係銅鑼灣Center做完Gym, 肚仔餓到打曬鼓，原本想行去銅鑼灣同灣仔交界的一間臺灣店，行到附近發現對面街新開左間餐廳- 馬泰，門口望左下Menu都覺得幾吸引，一於試一試佢。兩個人，叫左份無骨海南鷄飯同埋一份印尼娘惹咖喱配牛肉，另外再叫一杯班蘭珍多冰。
班蘭珍多冰大大杯，飲珍多冰最鍾意食佢個好似啫喱狀一條條的東西，飲到極香濃的班蘭味，呢杯飲品頗有驚喜！
無骨海南鷄配黃油飯，海南雞肉質都頗滑，
用旁邊酸酸地辣辣地的醬汁點來吃，味道不差的。
我呢個印尼娘惹咖喱配牛肉，
咖喱汁落足香料，食到有八角同埋香茅，個汁做得幾有水準，直頭可以成碗飯撈呢個汁就緊食都正。不過呢個咖喱就唔包飯，另外加多碗普通白飯就加$12。兩份正餐加一杯珍多冰，無加一，$200樓下埋單，呢個係銅鑼灣價錢來講, 都算叫做性價比高嘅.
張貼
