甜緣蜜語

營業中

休息中

大埔昌運中心新開嘅一間糖水舖，專做外賣，幫襯下支持下。嗌咗兩個甜品盛惠65蚊價錢正常啦，外賣嘅包裝都好認真，個膠盒嘅蓋係好似螺絲咁樣扭實嘅，仲有一塊細嘅膠蓋喺入面，真係好難會倒瀉。我哋叫咗2號嘅多芒仙草小丸子同埋4號嘅芋泥西米桃膠芋圓，整體味道唔錯，材料都幾新鮮，芋圓比較煙韌有彈性，佢嘅芋泥都幾香芋頭味，但係又唔會好滯，桃膠嘅份量都唔少，啲芒果都算靚，冇酸味，最欣賞佢個甜度控制得唔錯，唔會太甜，食完唔會瓊住嘅喉嚨。