北海道牛乳蛋糕 (莊士倫敦廣場)

營業中

休息中

今日經過佐敦，發現了呢間新開主打用北海道3.6牛乳製造既蛋糕，經過門口已經聞到陣陣好香既蛋糕味，令人留哂口水。呢間旺角都有分店，但只供外賣，而佐敦呢間係可以堂食，內裏似cafe咁。蛋糕同撻既款式好多，睇到花多眼亂。門口會擺放住蛋糕新鮮岀爐既時間，好細心，入面係開放式廚房，見到個師傅係全人手製造。店員服務都好好，會主動介紹招牌款式，推薦左我地試流心芝士牛乳蛋糕，價錢好抵，都係$100左右，但個size好大個，食落好軟熟，充滿蛋香，仲建議我地可叮返熱或焗熱個蛋糕，口感更佳，整熱左真係有流心效果，更突出芝士咸香味，好好食，果然無介紹錯！另外要左紫薯芝士撻、抹茶紅豆撻、同玫瑰伯爵茶芝士撻，每款賣相非常吸引，撻皮夠香脆，值得一試！