我地點咗個「海蟹餐」（每位$248; 星期五、六、日、公眾假期前夕 ＋$10），套餐包括多種海鮮😋有好鮮甜嘅海蟹（每人半隻）、好大隻又彈牙嘅蟶子皇，仲有貴妃蚌、多寶魚、黃金蜆、海蝦🦐、蜆⋯海鮮超豐富，都算幾新鮮～個人最like 蟶子皇～
套餐仲可以另選8款火鍋配料，另外仲有好足料嘅老火燉湯，仲有1人1隻 鮑魚，可選新鮮/冰鎮，我冰鎮鮑魚好入味又彈牙，都幾唔錯💗
仲有好下火又清甜嘅竹蓆茅根水任飲，同埋罐裝汽水任飲⋯
一路打邊爐🦀海鮮嘅精華一路入晒去粥底裡面🥳到最後食到7788，服務生仲會加D南瓜、粟米、芋頭粒粒同埋白飯入去個粥底，煮一陣就變成好鮮味嘅海鮮粥🤤食到好滿足。每人2百幾蚊落樓，真心抵食！
不過要注意返，店內沒有洗手間，要出返去冬菇亭外面個Public Toilet, 嗰日好在都算乾淨～
PS.＋茶芥 $15/ 每位、沒有加一
