Plato Cafe & Bistro (Mikiki)

舊同學升咗職，諗住同佢慶祝，今晚就約咗佢去新蒲崗Mikiki試呢間新開嘅Cafe。我就好細食，叫咗個煙三文魚班尼迪蛋全日早餐，另外再加熱蜂蜜柚子茶。呢個全日早餐賣相都幾靚，有沙律菜、薯餅、流心蛋、焗蕃茄、煙三文魚窩夫、腸、同火龍果，點埋個蛋黃醬超正，健康得來又飽肚。個焗蕃茄真係好正，咬落好Juicy👍🏼朋友就點咗個晚市套餐，D12紐西蘭肉眼牛扒🥩，套餐包左個南瓜甘筍湯，同半價追加藍梅水果茶。餐湯好Creamy，藍莓水果茶就大大壺🫖。牛扒超大件，朋友叫咗三成熟，我試咗一兩件，咬落都好鬆軟，牛味濃郁，點埋個醬又係超正。我哋跟餐仲額外追加左BBQ醬雞翼、日式芝士餅。BBQ醬雞翼雖然唔係好熱，但個醬甜甜地咁又幾特別。日式芝士餅細細件，但好綿密，好好味😋餐廳仲播住啲輕音樂同個歌，感覺好舒服悠閑。