影片
更多
2025-02-18
132 瀏覽
同朋友嚟 Mikiki 購物，行完就去附近搵間餐廳坐低傾下偈。喺社交平台見到有人推介呢間樓上咖啡室「Neon Cafe」～餐廳設於「Neon Studio」共享工作室，旁邊嘅 common area 地方好大，裝潢時尚，環境好 Chill，讓人感覺放鬆。餐廳主打輕食，有沙律、意粉、燉飯、酥皮包、蛋糕、鬆餅同特色飲品等。我哋點咗燉飯、意粉同飲品，跟餐嘅南瓜湯口感好綿密，味道甜美。酸甜野菌雞柳肉檸檬奶油燉飯 ($60) 雞柳肉質頗滑，奶油份量啱啱好，包裹住每一顆米飯，入口極之 creamy，但又唔會有膩感。配料有半隻溏心蛋，加埋啲野菌同薄切青瓜，有營又健康。黑松露野菌煙肉卡邦尼意粉 ($65) 意粉軟硬適中，入口帶松露香氣。野菌質素唔錯，清鮮得嚟又帶點濃香，加埋微鹹嘅煙肉，味道好夾。飲品點咗杯海鹽榛果牛奶咖啡，面層嘅拉花很細緻，奶味剛好，甜中帶鹹，與榛果完美結合，入口香濃馥郁。另外嗰杯佐藤園抹茶牛乳，水準亦一流，入口茶感突出，但又唔會搶走咗牛乳嘅脂香，perfect🥳
同朋友嚟 Mikiki 購物，行完就去附近搵間餐廳坐低傾下偈。喺社交平台見到有人推介呢間樓上咖啡室「Neon Cafe」～
餐廳設於「Neon Studio」共享工作室，旁邊嘅 common area 地方好大，裝潢時尚，環境好 Chill，讓人感覺放鬆。
餐廳主打輕食，有沙律、意粉、燉飯、酥皮包、蛋糕、鬆餅同特色飲品等。
我哋點咗燉飯、意粉同飲品，跟餐嘅南瓜湯口感好綿密，味道甜美。
酸甜野菌雞柳肉檸檬奶油燉飯 ($60) 雞柳肉質頗滑，奶油份量啱啱好，包裹住每一顆米飯，入口極之 creamy，但又唔會有膩感。配料有半隻溏心蛋，加埋啲野菌同薄切青瓜，有營又健康。
黑松露野菌煙肉卡邦尼意粉 ($65) 意粉軟硬適中，入口帶松露香氣。野菌質素唔錯，清鮮得嚟又帶點濃香，加埋微鹹嘅煙肉，味道好夾。
飲品點咗杯海鹽榛果牛奶咖啡，面層嘅拉花很細緻，奶味剛好，甜中帶鹹，與榛果完美結合，入口香濃馥郁。
另外嗰杯佐藤園抹茶牛乳，水準亦一流，入口茶感突出，但又唔會搶走咗牛乳嘅脂香，perfect🥳
張貼
