八方台式麵屋 (新都城中心二期)

營業中

休息中

今日去左將軍澳行街，經過左一間新開張既台式食店。見到門口大排長龍，而星期六中午時間又好難搵餐廳食飯。我同朋友就決定去排下隊，試下新餐廳啦！我叫左彈牙紅燒牛丸牛腩麵。彈牙牛丸的確好彈牙，入口爽口而且好有肉汁，紅燒辣度唔算高，入口香口。牛腩好香嫩好肥美，炆得好入味。半肥瘦就夠滑溜。麵質彈牙掛湯力高，吸哂湯汁好惹味。我叫左紅油抄手。雲吞粒粒肉餡飽滿，皮薄，辣度比湯麵略重，入口好滋味。最欣賞皮薄雲吞，餡料又多汁。