叫左以下五個點心:
滑雞竹筒飯
雖然竹筒飯係紅白米飯混合, 比較健康, 但係最大既問題係唔夠熱, 食落D飯同肉硬哂, 唔合格!!
斑蘭馬拉糕
馬拉糕鬆軟有椰香同斑蘭味, 比起美X果D斑蘭蛋糕好食!!
日式燒汁雞粒咸水角
傳統咸水角入面係豬肉蝦米, 而呢個就包左燒汁雞粒入面, 感覺幾新鮮, 咸水角新鮮炸起, 好食!
鮮上肉炸響鈴腸
十分推薦!!自家炸響鈴好香脆, 比平時打邊爐果隻更脆口! 搭配爽口豬肉同腸粉, 新奇爽脆既口感, 值得叫黎食!!
白汁芝士蘑菇雞批
相對上面既點心比較失色, 白汁好重奶粉味而冇乜芝士味, 批底唔夠脆, 入面冇乜雞肉, 食味一般
