影片
更多
2019-04-25
840 瀏覽
平凡的一天，幾個雞煲控又出動，收工後去左吞POT 打邊爐。間野喺尖沙咀，好就腳，收工行到過去都係六點零。可能早未係好多人，上到去揀左個靚景露台位。可以邊食野邊吹水仲有景睇，環境一流，而且同入面有道玻璃門隔住，空間闊落又有啲私人空間，未食已加分。呢間野主打雞煲，有幾個招牌雞煲都幾吸引，好似螺片花膠雞煲、重慶麻辣雞煲、辣酒花螺雞煲...... 除左雞煲，仲有火鍋湯底，好多選擇，最後我地一班女人揀左個花雕藥膳雞煲。個雞煲一黎到已經好香藥材味，雞好入味，又夠嫩，唔錯。之後加啲清湯繼續打邊爐都唔會溝淡晒，連醬都唔駛點。火鍋配料我地揀左以下幾樣﹕自制蟹粉蟹肉雲吞﹕手工菜，鐘意食蟹又懶得拆殼的話，必點。手打芝心牛丸:必食推介，牛味重仲有我最鐘意既芝士，同市面上買到既雪藏丸冇得比。頂級肥牛脂肪分佈啱啱好，好味。分量都唔少，抵食之選。創爆芝響鈴另一必食推介，應該係舖頭自己炸，唔係入貨返黎。上枱時仲係熱既，又唔油膩，放入湯到一兩秒吸埋啲湯簡直人間極品。菜菜籃有菜有菇，都幾新鮮，擺得幾靚。另外一提，呢間服務值得一讚。我地坐出面，要侍應行出行入加湯加水都好有笑容，仲好有禮貌同我地講小心熱。埋單每人三百幾，同其
間野喺尖沙咀，好就腳，收工行到過去都係六點零。可能早未係好多人，上到去揀左個靚景露台位。可以邊食野邊吹水仲有景睇，環境一流，而且同入面有道玻璃門隔住，空間闊落又有啲私人空間，未食已加分。
呢間野主打雞煲，有幾個招牌雞煲都幾吸引，好似螺片花膠雞煲、重慶麻辣雞煲、辣酒花螺雞煲...... 除左雞煲，仲有火鍋湯底，好多選擇，最後我地一班女人揀左個花雕藥膳雞煲。
個雞煲一黎到已經好香藥材味，雞好入味，又夠嫩，唔錯。之後加啲清湯繼續打邊爐都唔會溝淡晒，連醬都唔駛點。火鍋配料我地揀左以下幾樣﹕
自制蟹粉蟹肉雲吞﹕
手工菜，鐘意食蟹又懶得拆殼的話，必點。
手打芝心牛丸:
必食推介，牛味重仲有我最鐘意既芝士，同市面上買到既雪藏丸冇得比。
頂級肥牛
脂肪分佈啱啱好，好味。分量都唔少，抵食之選。
創爆芝響鈴
另一必食推介，應該係舖頭自己炸，唔係入貨返黎。上枱時仲係熱既，又唔油膩，放入湯到一兩秒吸埋啲湯簡直人間極品。
菜菜籃
有菜有菇，都幾新鮮，擺得幾靚。
另外一提，呢間服務值得一讚。我地坐出面，要侍應行出行入加湯加水都好有笑容，仲好有禮貌同我地講小心熱。
埋單每人三百幾，同其他火鍋店差唔多。食物環境服務都唔錯，值得一試。
張貼
