仁芝初 (已結業)

今日去開黃埔做嘢，食完飯朋友話想食糖水，見到有間新開嘅糖水舖，決定入去試吓。仁芝初位於紅磡德民街29號德民大廈地下。店鋪環境企理，座位寬敞。自家手工糖水，每日新鮮製造，選擇豐富。仲有期間限定。桑寄生蓮子茶蛋味道清甜，容易入口，絕佳養生食療，有助安神。雞蛋充滿糖水精華，非常入味。生磨香濃合桃糊口感細滑，濃果仁香，清甜細膩，味道正宗。法式紫米露層次豐富，分別有椰汁、紫米露同埋法式燉蛋，賣相吸引，甜度適中。