十十川滬料理 (已結業)

勁耐冇食中菜，之前行朗豪坊都經過十十川滬料理，見到餐牌知道系川菜mix上海菜，又覺得幾有特色，試吓都無妨。裏面環境十分乾淨企理，又唔會太浮誇。首先試吓呢間餐廳嘅特色小籠包，酸菜魚小籠包真係第一次食😆酸味都幾出同埋魚肉好滑，打開小籠包再食魚肉有埋啲汁好正。金黃流沙小籠包，一聽個名係知係有鹹蛋黃味，微微嘅鹹蛋黃味同小籠包都算match。上海菜其中一道菜系嫩雞煨麵，啲麵勁多！嫩雞肉好滑同埋好大件😋湯底清清哋幾自然。呢款點心真係第一次食，細細個同啲老人家去街坊酒樓飲茶嗰陣都好鍾意食薄餅，仲記得佢哋鍾意叫薄餐🤣櫻花蝦薄餅幾脆，櫻花蝦有日式風味。跟住試咗個乾鍋，真係第一次試，本身已經包埋萵荀、蓮藕同埋薯條，主要配料方面揀咗黑毛豬腩，其次揀咗百葉結同埋炸魚角。黑毛豬腩入口又唔會話真係好肥膩，軟林林咁幾好食😋百葉結個樣好QQ，炸魚角配乾鍋都吾錯。糖醋排骨真系好經典嘅上海菜，小排骨更易入口，糖醋味十分濃郁，酸甜度剛好，好欣賞佢好易離骨，食過幾間糖醋排骨都系好痴骨。炸物相信有吾少人中意，海苔鳳尾蝦香脆可口，配以沙律醬更滋味。紅棗桂圓枸杞玫瑰花茶，微微甜味好清新，養生滋補。最後以甜點為一餐畫上句號，酥皮鳳梨