影片
更多
2021-06-16
4070 瀏覽
今日去金鐘開戶口，辦完手續都已經接近十二點。本來想找個地方午膳，不過見附近幾間餐廳都有人排隊等位，為免人多擠迫，所以最後都係決定買外賣回家慢慢品嚐。記得早前有食友推介過海富中心 2 座 2 樓嗰間主打新派台式便當嘅「湕承」，據說店舖嘅食物做得很有誠意，雖然每日供應嘅款式唔多，但都頗受區內嘅上班族歡迎。餐廳每日都會喺網上公佈當天嘅精選菜式，通常都會有兩款飯同一款麵食，客人可以預先 whatsapp 落單，嚟到就有得攞，唔使排隊輪候，非常方便。點咗兩個便當，和風豬肋骨照燒·白米飯 ($68) 同 黑麻油雞翅·烤魚角·滷蛋肉燥飯 ($68)，每款都包一客小食或飲品。兩款便當嘅飯同餸都分開盛載，米飯不會因索了菜汁而變得糊口，做法十分貼心。豬肋骨滷得非常入味，肉質超腍滑，肉味濃郁又無臊味，而且分量亦不少，足足有成四大件，配上微甜的照燒汁和粉糯嘅薯仔吃，極之開胃。另一款便當味道亦唔錯，雞翼皮滑肉嫩，入口帶陣陣麻油香。烤魚角彈牙有魚味，加上半隻滷蛋，酸菜同青瓜，絕對是佐飯佳品。肉燥飯亦做得頗對辦，肉粒十分香口，但又香而不油，夠晒入味。跟餐小食同飲品揀咗蒜蓉椰菜 同 冰巨峰提子。椰菜蒜味唔重，但非常新
記得早前有食友推介過海富中心 2 座 2 樓嗰間主打新派台式便當嘅「湕承」，據說店舖嘅食物做得很有誠意，雖然每日供應嘅款式唔多，但都頗受區內嘅上班族歡迎。
餐廳每日都會喺網上公佈當天嘅精選菜式，通常都會有兩款飯同一款麵食，客人可以預先 whatsapp 落單，嚟到就有得攞，唔使排隊輪候，非常方便。
點咗兩個便當，和風豬肋骨照燒·白米飯 ($68) 同 黑麻油雞翅·烤魚角·滷蛋肉燥飯 ($68)，每款都包一客小食或飲品。
兩款便當嘅飯同餸都分開盛載，米飯不會因索了菜汁而變得糊口，做法十分貼心。
豬肋骨滷得非常入味，肉質超腍滑，肉味濃郁又無臊味，而且分量亦不少，足足有成四大件，配上微甜的照燒汁和粉糯嘅薯仔吃，極之開胃。
另一款便當味道亦唔錯，雞翼皮滑肉嫩，入口帶陣陣麻油香。烤魚角彈牙有魚味，加上半隻滷蛋，酸菜同青瓜，絕對是佐飯佳品。肉燥飯亦做得頗對辦，肉粒十分香口，但又香而不油，夠晒入味。
跟餐小食同飲品揀咗蒜蓉椰菜 同 冰巨峰提子。椰菜蒜味唔重，但非常新鮮，爽脆有咬口，唔錯。提子汁香甜味美，入口帶淡淡果香，好清新。
張貼
