滿小館 (已結業)

位於尖東嘅巧手中菜館，環境寬敞舒適，仲可以包廂房，都幾啱一班人聚會。食物整體質素都唔錯。火焰古法燒腩叉餐廳推介之一。外層塗上蜜糖，而且落左少少酒。上菜後用火槍一燒，酒香撲鼻。咬落都算鬆軟多汁。懷舊蝦鳳尾蝦多士下層多士非常酥脆，唔會好油膩。上層有鳳尾蝦同蝦膠，好彈牙。整體口感豐富。得到我呢位蝦嘅愛好者認可🙌🏻蒜蓉粉絲蒸元貝當日嘅廚師推介之一。元貝好鮮甜，肉質彈牙。配上惹味蒜蓉配上粉絲，無得輸嘅組合。嫩滑酸菜魚細分嘅都應該夠三至四人食。魚片非常嫩滑，無乜骨。酸味夠，個人喜歡再辣多少少。呢度係配米線，而唔係一般嘅薯粉或寬粉。八味金磚經常食到嘅菜式，但呢度真係整得好出色。外層金黃香脆，內層嫩滑。夾起上嚟好實淨，但又唔會太厚粉。最後再飲埋兩碗老火湯，茶樹菇燉竹絲雞湯同松茸准杞燉螺頭湯，湯料好足，飲得好舒服。