唐宮小聚 (新港中心)

營業中

休息中

新洒樓嘅營運方式，有別於一般茶樓，今次呢間亦都冇問我哋要咩茶，但食物方面就好fusion，好多傳統嘅點心亦都加入左新嘅創意，造型亦都好精緻吸引。 環境方面，都坐得舒適嘅不過就好凍，啲茶同埋上菜好快已經凍哂，唔知係咪marketing嘅手法呢要你早啲走。等位嘅人都好多，相對上酒樓嘅人手就比較少，所以舉手嗌點心嘅時間都相對較長。 食物方面我覺得唔錯，點心嘅選擇未必有一般嘅酒樓咁多。但味道方面都唔輸蝕，流心奶黃包，包皮都夠薄，咬落去啖啖汁。涼拌方面揀咗三樣，黑松露雞，鴨舌同埋茄子，不過份量就好小，黑松露雞味道好唔夾，唔好食。。。特別想提大肚婆炒飯，入面有藜麥紅米，薑米，感覺上好健康，但炒出黎都粒粒分明嘅，係低卡選擇。