聯邦皇宮 (已結業)

新春期間茶樓加價就正常啦，但點都要嚟飲餐茶嘅，是日嚟咗屯門碼頭嘅聯邦皇宮，唔覺唔覺聯邦皇宮都係淨返呢間分店🤔十二點前嚟到，幾好彩唔使等位就有枱，但坐低不久出面就排滿人等位了。⭐酸甜炸雲吞炸定好耐嘅炸雲吞，一上枱已經係凍嘅，餡很少，至少個炸皮係脆嘅，點下甜酸汁都幾好食。⭐蜂巢炸芋角同樣係炸定好耐嘅芋角，入口一陣油益味，芋蓉餡味道怪怪地，呢個真係唔掂，幾難食下。⭐櫻花潮州果正正常常嘅潮州粉果，點下辣椒油ok啦。⭐風味臘腸卷臘腸好韌，鹹鹹甜甜嘅味道都ok嘅。⭐擂沙滑湯圓完全唔滑嘅擂沙湯圓，入面係芝麻餡，但餡好少皮好厚，咬落仲好硬添，又係做定好耐。點心味道強差人意，好在新春期間氣氛都ok，雖然店員有意無意想拗利是🤣