主菜共有4款，燒豬腩肉或龍蝦汁海鮮扁意粉，
🍝香草牛油燒春雞和英式炸魚薯條，顯出西廚功架，還有9款任食的小食🤤
🦪韓式醬油南非鮑魚 | 8/10
這份前菜擺盤的骰精緻，醬油漬入鮑魚，肉質保持鮮嫩有咬口，旁邊有點香草和刁草，碰撞出神奇的火花🔥
🧀意大利風乾火腿及芝士拼盤 | 7/10
作為酒吧餐廳，怎可缺了美酒佳餚之選，芝士風味淳厚，莎樂美腸和火腿柔軟鮮美，脂肪分佈均勻，帶有些微果香🍐
🍗香草牛油燒春雞 | +$68 | 7.5/10
雞油香氣十足，半隻燒雞肉質嫩滑，一撕開汁水爆發出來，下面配菜還有兩段粟米，甜味帶香🌽
🍟英式炸魚薯條 | +$68 | 8/10
連皮薯條外脆內軟，炸得火喉剛好🐟炸魚的炸漿混了黑椒，炸皮有點韌力，魚肉質地彈牙
任食既小食可分為數個類別，韓式前菜類的有自家製韓式泡菜、泡菜伴深海八爪魚和車厘茄伴他他醬🍅自家製泡菜融入了本土口味，不會過鹹或過辣，主要保存了白菜的清甜，小八爪魚口感爽彈，車厘茄酸甜開胃😉
煎炸類方面有炸雞、脆炸法式洋葱圈和芝士泡菜煎餅，炸雞比較似炸雞粒，食落幾香口🥨洋葱圈先攪碎再塑型，幾有硬脆感，芝士泡菜煎餅係最佳作品，將每塊煎餅煎得細細，中間夾住拉絲芝士，邊位幾酥脆，值得encore👍
燒焗類既就有牛油香草燒扇貝、芝士焗生蠔同牛油忌廉焗什菌，扇貝肉質夠嫩同鮮甜😙牛油味恰好提升鮮味，芝士焗生蠔有小小出水，不過芝士味幾夠鹹香，什菌吸哂牛油忌廉味，滑溜順喉
最後送上甜品焦糖燉蛋🍮用咗隻creme burlee名店既兜，味道都做到十足十，食落豐腴幼滑，焦糖味甘甜香
