樂意點心

營業中

休息中

有別於一般飲茶, 佢茶介有荔枝玫瑰茶。茶味清香，帶有淡淡嘅玫瑰花香，幾清新! 唔係傳統嘅普洱香片絕配套餐好抵叫，有湯有主食, 都只係$6x包括椰子燉烏雞同龍蝦伊麵。椰子燉烏雞湯底清甜，雞肉都幾嫩滑。龍蝦伊麵有半邊龍蝦, 龍蝦肉質爽彈，伊麵吸收晒龍蝦嘅鮮味，幾好食。點心叫咗豉椒蒸排骨、越式炸兩。豉椒蒸排骨肥瘦適中，肉質鬆軟，豉椒味香濃。越式炸兩外脆內軟，腸粉滑溜，油條香脆，配埋甜醬同花生醬，幾有特色。甜品/ 飲品叫咗楊枝甘露同薄荷青檸梳打。楊枝甘露芒果味香濃，西米煙韌，整體甜度適中。薄荷青檸梳打就夠晒清爽，啱晒夏天飲。