影片
更多
2021-10-14
50 瀏覽
講起香港人去旅行嘅熱門地點，除咗日本，一定唔少得台灣！接近兩年無去旅行，唔少人都會借食物「思鄉」，今次鄉下係臺灣，疫情底下呢間餐廳依然坐滿，入到去都要等一陣先有位，一邊等一邊睇住啲人食嘅嘢已經覺得好肚餓好吸引。今次被安排去吧枱，可以睇到調酒師整嘢飲，睇返menu原來係充滿台味嘅cocktail，不過我同同行朋友都麻麻好酒，所以order咗綠豆沙鮮奶同檸檬冬瓜茶。綠豆沙唔會死甜，加埋鮮奶有種涼爽嘅感覺，綠豆沙打到泥狀，飲起上嚟會都好夠滑，讚！冬瓜茶本身就會有種濃厚嘅甜味，加咗檸檬汁中和咗甜味，感覺清爽，讚！今次叫咗台式肉鬆蛋餅、牛肉麪、滷肉飯、明太子甜不辣、同牛奶麻糬。蛋餅皮好薄唔會覺得成口粉，亦都顯得榨菜同肉鬆好滿豐富，夠古早味！本身對台灣牛肉麵嘅興趣唔大，因為唔係好鍾意陣味，但見到在場都幾多人食，決定一試。牛肉麪嘅湯睇落好清但，牛骨味非常濃郁，藥材味反而吊出咗牛骨嘅味道，一啖麪一啖湯好正。牛肉夠腍，無牙都咬得開，又無渣，刀削麪煮得夠透又有咬口，仲有爽脆蟲草花，細節處理得好好。滷肉飯肉汁夠晒多，食到底都唔會無晒汁得返啲飯，溏心蛋夠入味，肉騷味唔會太勁，正！我之前去臺灣其實無食過甜不辣，
接近兩年無去旅行，唔少人都會借食物「思鄉」，今次鄉下係臺灣，疫情底下呢間餐廳依然坐滿，入到去都要等一陣先有位，一邊等一邊睇住啲人食嘅嘢已經覺得好肚餓好吸引。
今次被安排去吧枱，可以睇到調酒師整嘢飲，睇返menu原來係充滿台味嘅cocktail，不過我同同行朋友都麻麻好酒，所以order咗綠豆沙鮮奶同檸檬冬瓜茶。綠豆沙唔會死甜，加埋鮮奶有種涼爽嘅感覺，綠豆沙打到泥狀，飲起上嚟會都好夠滑，讚！冬瓜茶本身就會有種濃厚嘅甜味，加咗檸檬汁中和咗甜味，感覺清爽，讚！
今次叫咗台式肉鬆蛋餅、牛肉麪、滷肉飯、明太子甜不辣、同牛奶麻糬。
蛋餅皮好薄唔會覺得成口粉，亦都顯得榨菜同肉鬆好滿豐富，夠古早味！
本身對台灣牛肉麵嘅興趣唔大，因為唔係好鍾意陣味，但見到在場都幾多人食，決定一試。牛肉麪嘅湯睇落好清但，牛骨味非常濃郁，藥材味反而吊出咗牛骨嘅味道，一啖麪一啖湯好正。牛肉夠腍，無牙都咬得開，又無渣，刀削麪煮得夠透又有咬口，仲有爽脆蟲草花，細節處理得好好。
滷肉飯肉汁夠晒多，食到底都唔會無晒汁得返啲飯，溏心蛋夠入味，肉騷味唔會太勁，
正！
我之前去臺灣其實無食過甜不辣，以為係一種甜品，原來唔係，係好似魚餅嘅食品，食起上嚟好有魚味，唔會太腥又唔會太假，外皮微脆內裡有嚼勁，好食。
最後緊係唔少得麻糬，店入面有紙仔解釋咗傳統麻糬有咩特別，本身以為會好似糯米皮嗰種煙韌，但原來好似炸鮮奶嗰種再偏固體，好滑～加埋花生粒好似食緊好滑嘅糖不甩咁，值得推薦，下次想試埋Oreo味。
兩個人食咗540左右，算係價錢偏中上，不過質素上都值得呢個價錢。下次都會想試其他嘢食。
張貼
