影片
更多
2025-05-14
0 瀏覽
呢間已經book mark咗超耐，成日俾佢個麻糬蛋撻吸引到，今次一早訂咗位，不過尖沙咀舖頭位置有啲隔涉，搵咗好耐時間先搵到，搞到遲過訂位時間到要再排過隊🤣髒髒鹹蛋黃芋泥蛋餅 $88呢款蛋餅同一般食開嘅有啲唔同，因為佢係用鴨蛋做蛋皮，食落係甜味多過鹹味，入面有滿滿嘅芋泥，鍾意食芋泥嘅一定唔可以錯過，蛋餅表面會有滿滿嘅鹹蛋黃碎，但整體芋泥味多過鹹蛋味，食太多會有啲膩🤭招牌滷肉飯 $68我覺得正正常常冇乜特別，呢個價錢嚟講有啲細碗🤣三色鹽酥雞 $128呢款有三隻口味，但三隻口味唔係講緊舊雞有三隻口味，而係有三種醬料俾你去點，包括黑松露、柚子、水牛城（係有啲啲辣嘅幾有趣。）鹽酥雞炸得酥脆，肉質多汁，呢個價錢如果可以多幾嚿雞就好啦～開心果麻糬蛋撻 $68期待咗最耐嘅就係呢個麻糬蛋撻，佢係勁足料，拎上手好有份量！蛋撻表面鋪滿開心果碎，切開入面一層開心果醬，一層煙靭嘅麻糬，配埋個酥皮超滿足！🥰📍臺北棧 (尖沙咀)尖沙咀廣東道3-27號海港城港威商場2樓2204-6號舖
髒髒鹹蛋黃芋泥蛋餅 $88
呢款蛋餅同一般食開嘅有啲唔同，因為佢係用鴨蛋做蛋皮，食落係甜味多過鹹味，入面有滿滿嘅芋泥，鍾意食芋泥嘅一定唔可以錯過，蛋餅表面會有滿滿嘅鹹蛋黃碎，但整體芋泥味多過鹹蛋味，食太多會有啲膩🤭
招牌滷肉飯 $68
我覺得正正常常冇乜特別，呢個價錢嚟講有啲細碗🤣
三色鹽酥雞 $128
呢款有三隻口味，但三隻口味唔係講緊舊雞有三隻口味，而係有三種醬料俾你去點，包括黑松露、柚子、水牛城（係有啲啲辣嘅幾有趣。）鹽酥雞炸得酥脆，肉質多汁，呢個價錢如果可以多幾嚿雞就好啦～
開心果麻糬蛋撻 $68
期待咗最耐嘅就係呢個麻糬蛋撻，佢係勁足料，拎上手好有份量！蛋撻表面鋪滿開心果碎，切開入面一層開心果醬，一層煙靭嘅麻糬，配埋個酥皮超滿足！🥰
📍臺北棧 (尖沙咀)
尖沙咀廣東道3-27號海港城港威商場2樓2204-6號舖
張貼
