春田冰室

營業中

休息中

因為比一碗椰子雞米線嘅相吸引 特登走過去去紅磡會一會佢😌地點其實都幾方便 我喺何文田站行去大概8分鐘 又可以喺土瓜灣站出 行12分鐘左右🚶🏻‍♀️呢度開咗幾個月 所以裝修都比較新同舒適 大量寬敞嘅卡位 加上成間舖都係用落地玻璃 所以吸收太陽自然光🌞好光猛 成個感覺好舒服食物方面除咗基本嘅冰室食品 仲有唔同嘅特式選擇💕◾蟲草花椰子雞米線為咗呢碗米線而嚟 果然無令我失望😍呢個椰子雞湯底我比100分 濃郁得嚟唔會油淋淋 相對係比較清甜 除咗椰子味 仲有淡淡嘅奶香🤤我差唔多飲晒成個湯 雞件好滑而且好足料 有7-8件 加埋蟲草花同黑木耳 感覺上更健康◽鮮茄吉列豬扒飯吉列豬扒係呢度嘅招牌 又點可以唔試🐖焗飯都係即叫即焗 亦可以揀意粉 有鮮茄/芝士白汁同咖哩汁選擇🍛豬扒炸得好出色 面層嘅炸粉唔厚 好香脆 仲好大塊 一揭起塊豬扒 就見到滿滿嘅芝士 好邪惡😈◾粒粒華田脆脆雪山西多士最後食埋呢個靚靚西多士做甜品 好滿足❣️西多士除咗基本嘅牛油同煉奶 加埋阿華田粉 賣相靚之餘又增加咗口感層次 而且已經預先切好四方形小件 一啖一舊啱啱好🍴份量比我想像中多 食完之後我哋都超飽🤰🏻飲品方面🥤凍檸七/凍鴛鴦質素都唔錯