茶湯會 (新都城中心) (已結業)

依家台式飲品周街都有，放工經過新都城見到台灣過江龍−茶湯會，裝修優雅，有幾張枱可以俾人堂食，於是入去食返個下午茶。叫咗杯燕麥鐵觀音拿鐵，另外加珍珠，燕麥一粒粒口感豐富，鐵觀音味道濃郁，同一般奶茶味道不一樣，要視乎每個人口味，珍珠細粒煙韌，飲品略甜。至於個爆漿珍奶吐司，麵包不得不讚烘得十分脆， 細個嘅回憶返曬嚟 ， 好似食緊飛碟咁 。一切即爆漿，珍珠加煉奶的組合毫無違和感，不會過甜。下次有機會再試吓其他飲品。