星巴克咖啡

營業中

休息中

一向有starbucks卡都有留意下新品及優惠，今次有新品推出Teavana™飲品，分別有紅西柚蜜糖紅茶、特濃咖啡鮮奶抹茶及冰搖石榴凝珠洛神花茶。而且仲有$20買到甜品優惠，可惜當日冇哂伯爵茶雪芳蛋糕。特濃咖啡鮮奶抹茶 （特大）$46，三層的顏色好靚好吸引，但冰塊太多了。底層是甜絲絲的抹茶，茶味濃厚甘香，頗甜味道；中層是滑溜溜的牛奶，奶香幼滑溫和，味道偏淡；面層是香滑濃的咖啡，咖啡飄香味重，味道甘苦。搞勻後再飲，混合三層的味道，感覺有點似鴛鴦，但西式加日式的味道。先飲到抹茶味，入口有奶香又順滑，最後咖啡味回甘。甜度經混合後變得適中。平時一向討厭咖啡，但混合了茶類，我開始接受到，終於飲到咖啡了。藍莓芝士蛋糕 +$20，藍莓新鮮大粒，果肉厚身脹卜卜。芝士蛋糕味道濃郁，入口軟滑細緻，餅底偏薄身，不鬆化但有牛油香，份量仲好多，兩人share都夠食。留意優惠日子：10月5日至10月11日期間，下午3時至6時。