影片
更多
2021-01-10
33 瀏覽
紅磡美食系列 (八)呢一間係我想試好耐嘅鋪頭，因為海南雞飯我見到有，都會叫嚟食嘅嘢，但因為呢間只得外賣，係網上見到好多人講，好味，但份量細，所以一直都冇去試，而家因為疫症關係，大多數都係自己煮，再唔係就外賣，所以就決定買返屋企試吓！順便試一試係唔係真係咁好食先！🤣🤣🤣@可可豬椰香海南雞專門店首創竹絲雞海南雞配椰香飯 $52竹絲雞平時用嚟煲湯就多，用嚟做海南雞飯真係第一次見，因為論外表同顏色，一般比人嘅感覺唔討好，但佢做海南雞飯又真係估唔到係咁好食，肉質淋滑之餘，雞味超香同突出，仲要冇普通雞咁油膩添，椰香飯唔同出邊其他餐廳咁係偏黃(因為用黃姜粉)，食落飯係軟軟糯糯，椰香味超香超濃，個飯我真係超級鐘意，唔洗點比餸我都可以食晒個飯。😋😋😋特色椰香海南雞配椰香飯 $ 38雞一樣咁滑，咁有雞味，可能我先食竹絲雞先，所以比竹絲雞完全吸引住，所以佢會遜色咗，但我今次真係要同佢平返先，佢份量真係唔細嫁，因為當時我買完之後，有一位男士叫外賣，佢竟然叫少飯，我心諗，好多人都話細，仲叫少飯？夠唔夠食嫁？咁我返到屋企，我果盒係同我媽媽兩份食，講真，真係夠食，唔同網上所講嘅咁少同埋唔夠食。😚😚😚青木瓜大蝦沙津
呢一間係我想試好耐嘅鋪頭，因為海南雞飯我見到有，都會叫嚟食嘅嘢，但因為呢間只得外賣，係網上見到好多人講，好味，但份量細，所以一直都冇去試，而家因為疫症關係，大多數都係自己煮，再唔係就外賣，所以就決定買返屋企試吓！順便試一試係唔係真係咁好食先！🤣🤣🤣
@可可豬椰香海南雞專門店
首創竹絲雞海南雞配椰香飯 $52
竹絲雞平時用嚟煲湯就多，用嚟做海南雞飯真係第一次見，因為論外表同顏色，一般比人嘅感覺唔討好，但佢做海南雞飯又真係估唔到係咁好食，肉質淋滑之餘，雞味超香同突出，仲要冇普通雞咁油膩添，椰香飯唔同出邊其他餐廳咁係偏黃(因為用黃姜粉)，食落飯係軟軟糯糯，椰香味超香超濃，個飯我真係超級鐘意，唔洗點比餸我都可以食晒個飯。😋😋😋
特色椰香海南雞配椰香飯 $ 38
雞一樣咁滑，咁有雞味，可能我先食竹絲雞先，所以比竹絲雞完全吸引住，所以佢會遜色咗，但我今次真係要同佢平返先，佢份量真係唔細嫁，因為當時我買完之後，有一位男士叫外賣，佢竟然叫少飯，我心諗，好多人都話細，仲叫少飯？夠唔夠食嫁？咁我返到屋企，我果盒係同我媽媽兩份食，講真，真係夠食，唔同網上所講嘅咁少同埋唔夠食。😚😚😚
青木瓜大蝦沙津 $30
沙津好大盒，我哋食完個飯再食佢真係食唔晒，木瓜絲加埋紅蘿蔔絲、芹菜絲，真係好香好夾，大蝦都夾口，唯獨有少少可惜嘅係味道唔夠，比軟淡。😃😃😃
日本白桃乳酸梳打 + $12
好香桃味，加埋乳酸同梳打，真係好夾，好好味。😀😀😀
葡萄柚乳酸梳打 + $12
葡萄柚又出，加埋乳酸同梳打，值得一試。😄😄😄
張貼
