Hashtag B

人氣麵包店Hashtag B推出兩款幾有創意嘅新品，身為麵包控當然要即刻試一試!


愛爾蘭咖啡千層撻
千層酥皮一如既往酥脆鬆化，內餡既蛋捲滑溜，底層咖啡醬甜中帶微苦，鍾意咖啡既朋友要試！

芋泥肉鬆貝果
貝果體系夢幻既淡紫色💜，口感紮實，內餡係綿密微甜芋泥，加上面頭大量鹹香肉鬆，經典鹹甜配搭！

白粟米酥
面層鋪上白粟米，清甜爽脆！粟米天然甜味同微鹹牛油酥皮形成對比，鹹鹹甜甜，口感好豐富。鍾意試新嘢嘅朋友一定要試！

穀籽德式扭紋棒
麵包體好有韌勁，越咬麥香味越出，加上超多南瓜籽同葵花籽，每一啖都口感都好豐富耐嚼，食完成個好有飽腹感～