影片
更多
2023-04-19
81 瀏覽
聽聞尖沙嘴新開任食雞煲加打邊爐，即刻約埋friend一齊試下。餐廳門口列名所有套餐選擇，一目了然唔需要慢慢揭Menu。入到餐廳就俾眼前排滿嘅Marvel/ DC figure所震驚！老闆收藏量豐富，成間餐廳每一個角落都欣賞到唔同漫畫英雄嘅英姿。牛牛餐$388/位牛牛餐頭盤：麻辣雞煲（⭐⭐⭐⭐⭐）話就話牛餐，但頭盤可選麻辣雞煲/鴨血/酸菜魚。我地揀咗小辣雞煲，餐廳服務不錯，會幫忙席前炒熟雞球。雞煲足料，雞球件件皮薄厚肉唔多骨。雞肉亦醃得入味，因為配料多，有花椒、薑、蒜大蔥同紫洋蔥，相信仲有自家秘製調味！頭盤：刺身拼盤（⭐⭐⭐⭐⭐）食完雞煲就黎咗個刺身拼盤，剛巧可以中和一下雞煲的熱感。刺身有：三文魚、拖羅、北寄貝、八爪魚、牡丹蝦、鮑魚等等。每樣兩件，新鮮清甜，刺身厚切不馬虎，配有做霧效果令儀式感大大提升！筆者最推薦拖羅，因為佢爽口油脂分布平均，會令人想再嗌黎食！主菜：牛牛拼盤（⭐⭐⭐⭐⭐）湯底選擇豐富，總有一款啱心水。我地揀咗蟲草花椰子花膠湯，貪佢營養價值高，較淡味不會遮蓋牛肉味道。湯底足料，有3-4塊手掌大的花膠，蟲草花亦爽口清甜。依個餐包5種高質牛，包括：本地牛頸脊、美國安格斯、澳洲封
牛牛餐$388/位牛牛餐頭盤：麻辣雞煲（⭐⭐⭐⭐⭐）
話就話牛餐，但頭盤可選麻辣雞煲/鴨血/酸菜魚。我地揀咗小辣雞煲，餐廳服務不錯，會幫忙席前炒熟雞球。
雞煲足料，雞球件件皮薄厚肉唔多骨。雞肉亦醃得入味，因為配料多，有花椒、薑、蒜大蔥同紫洋蔥，相信仲有自家秘製調味！
頭盤：刺身拼盤（⭐⭐⭐⭐⭐）食完雞煲就黎咗個刺身拼盤，剛巧可以中和一下雞煲的熱感。刺身有：三文魚、拖羅、北寄貝、八爪魚、牡丹蝦、鮑魚等等。每樣兩件，新鮮清甜，刺身厚切不馬虎，配有做霧效果令儀式感大大提升！筆者最推薦拖羅，因為佢爽口油脂分布平均，會令人想再嗌黎食！
主菜：牛牛拼盤（⭐⭐⭐⭐⭐）湯底選擇豐富，總有一款啱心水。我地揀咗蟲草花椰子花膠湯，貪佢營養價值高，較淡味不會遮蓋牛肉味道。湯底足料，有3-4塊手掌大的花膠，蟲草花亦爽口清甜。
依個餐包5種高質牛，包括：本地牛頸脊、美國安格斯、澳洲封門柳等等。雖然不設任食，但睇相都見到份量超多！筆者最欣賞係安格斯同牛頸脊，兩款都鮮紅夠新鮮，有肉味冇雪味，加上餐廳秘制豉油，啖啖肉好滿足！另外，封門柳貴為牛味擔當，但略嫌有稍微腥味，淥一淥配上蔬菜都好唔錯！
食完牛我地都飽了，就冇試其他火鍋配料，留待下次再試！
飲品：任飲汽水果汁（⭐⭐⭐⭐💢）飲品選擇豐富，竟有支裝可樂，夠氣夠凍夠晒爽！另外，亦有不少罐裝飲品，和自家製果汁同薏米水，幫助降火。
甜品：3.6北海道牛乳奶凍（⭐⭐⭐⭐⭐）當店員見我地停晒手，就自動送上甜品，真的貼心。奶凍好滑好有奶味，筆者食咗3杯先停手，大家不妨留肚試試。
整體用餐感覺良好，服務周到，位置寬落，如果朋友多可安排客房。另外，食材新鮮，400蚊試到這麼多款式真係物有所值！今次正價時段試到牛牛餐，但其實午市「開心餐」$208任食超抵，如果有時間嘅不妨lunch過黎。遲放工嘅，都可以趁9:30後入座嘅貓頭鷹時段，$338免加一，一樣咁抵！~~~~~~~~~~~~~~~~~~~~~~~~~~
新南苑私房菜 尖沙咀寶勒巷3-7A號萬事昌廣場2樓1號舖
👍地點方便
👍物超所值
👍牛魔必食
張貼
