VeggieSF (已結業)

今日朋友推薦我過去中環一間充滿美式風格素食館食午飯、餐廳充滿了60、70 年代大美國風格、傢俱是環保循環再用木傢俱！地方雖然細、但十分整潔。午市套餐有湯、主菜和飲品。湯是青豆西蘭花忌廉湯，湯唔太杰口，青豆和西蘭花味好融和，可惜湯唔夠熱！主菜是紅菜頭漢堡包配薯角，用料豐富又健康，有紅菜頭、煎雞蛋、青瓜、蕃茄、苜蓿芽(Alfalfa sprouts)。漢堡包有被燒烤過、所以入口有小小脆，加上紅菜頭煮得好腍口，再配合煮得半生熟蛋一口咬下，非常好味！炸薯角、極度上火但又超香脆好食！幸好午餐時間早並且一個人去食、否則一定百走一趟，有興趣就一定要預早訂位、中環原來都好多人喜歡食素！