Espresso Alchemy (美麗華廣場1期)

營業中

休息中

和朋友提前食個晚餐,係柔和有格調既餐廳食飯,心情特別好。最近迷上黑松露磨姑意粉,呢度份量十足,磨姑有好多而且好厚,黑松露好香好濃,雖然冇肉食,但都好名貴好好味。同朋友SHARE左煙三文魚蛋沙律多士,多士脆脆的,上面有厚厚的蕃茄同埋堆到好似山咁高既蛋沙律,蛋沙律自己整勁煩,去餐廳點就最岩,煙三文魚擺到成個花咁,睇得又食得,得左!甜品就叫左個33蚊既CHEESE CAKE,有朱古力醬同朱古力碎碎,呢種食法好創新呢!飲品我叫左朱古力咖啡,有拉花,咖啡唔會澀,岩我呢D又想飲咖啡又想飲朱古力既人呢!朋友就飲金萱烏龍,手沖茶來的,連個GLASS都咁有線條,有品味!我地好ENJOY呢度既環境呀!好味又冇加一服務費。