川燒 (已結業)

✏️之前Lunch黎過覺得幾好，今晚就帶埋爸爸媽媽一齊食，雖然係串燒店，但環境唔會煙霧彌漫，衣服亦唔會沾到氣味，食物款式都多，總會有岩佢地心水❤️✏️爸爸先叫左一杯啤酒，配食羊肉串個時飲，燒麻辣羊肉串$38，羊肉質柔軟不會羶，燒得微微焦香，麻辣口味配羊真係好夾，完全帶出羊肉香味😝✏️媽媽就食汁燒日本帆立貝$58，一串有兩粒，帆立貝兩邊金黃，肉質厚實，再配濃郁鹹香的醬汁，直頭想叫碗白飯🍚✏️我就要燒芝士五花腩，不肥不膩，可以啖啖肉咁食，味道好惹味又唔會太鹹🤤✏️仲叫左麻辣鴨血，好惹味，口感彈牙。整體我地都覺得質素幾好，抵食同埋味道好，佢地已經叫我book定下次再黎食