神戶屋日韓放題

營業中

休息中

而家剩返午市食，所以決定午餐食飽啲，去食放題! 今次揀呢間仲要有「疫情期間6小時放題」(12點-6點)😆呢度環境唔錯，而且每座位都有更有隔版隔住，食都食得放心啲😊呢度款式好多，除咗刺身之外仲有得打邊爐！首先講吓佢個刺身拼盤，睇張相都知淨係蝦都有成4款簡🤩刺身都好新鮮同肥美！我哋order第二轉嘅時候，佢哋都比足曬份量😊火鍋湯底有三款揀:部隊火鍋、壽喜燒同麻辣雞煲。我哋揀咗壽喜燒因為鍾意食肥牛😊火鍋配料都好多選擇，食到我哋超級飽！當然都唔少得炸物啦，佢啲炸物即叫即炸，非常脆口！我哋亦都嗌咗啲火炙壽司， 好香口，入口即溶🤤總括而言呢次放題嘅體驗非常好，又抵食一位都係$229咋!!