大瀛喜日本料理 (已結業)

今次去左位於旺角朗豪坊對岀既分店，餐廳主打日式放題料理，全店食物都係任點任食，今次仲唔食到飽🤤。先講下餐廳格局，二人位坐得少少迫，上菜好快所以枱面好快就無位，不過侍應好快收碟，我不停咁叫都冇問題🤭。餐廳設有自助區，有沙律🥗、熟食、海鮮、冷盤、飲品🥤、甜品🍧等等。我最鍾意既小食係麻辣雞腎，有咬口又夠入味😆。講番點餐，餐廳用QR code 網上點餐，全程無漏單呀👍🏻，刺身點幾多真係上幾多，旺角呢間分店仲有鮑魚仔同長腳蟹食，係其他分店比較少見既刺身。至於熟食種類都唔少，天婦羅、壽司🍣呢啲基本嘢唔多講，最特別係有酸菜魚、小龍蝦呢啲特別既川菜。燒物方面，芝麻雞翼係大力推薦，食左幾隻都仲想食🤤 。不過我最欣賞都係烏冬同牛肉鍋，牛肉真係好鮮嫩，如果將兩樣菜撈埋一齊食效果更佳😚。食完主菜當然要食甜品，餐廳提供唔同口味既雪糕🍦同雪條，仲有自助軟雪糕，俾我食飽飽超滿足咁行岀餐廳😛。