神戶屋日韓放題

營業中

休息中

以前讀書好中意食放題，貪佢夠抵食，出左嚟做野想懷緬下放題歲月，今晚就去左神戶屋度食放題啦。呢間放題鋪嘅選擇都幾多元化，除左刺身同熱食，仲可以打邊爐，不過今日唔係好想打就冇開爐，主攻刺身同串燒。上菜先嚟醬油蝦同海膽壽司，勁好食！尤其是醬油蝦，夠入味。刺身拼盤一上，我地都嘩一聲，真係幾豪華！我地叫晒所有款式，有三文魚、甜蝦、赤蝦、泰式生蝦、鮑魚、北寄貝、白鳥貝、赤貝、八爪魚、蟹柳、長腳蟹，勁新鮮勁鮮甜！另外order左半打生蠔，都好肥美。燒鰻魚、雞串、牛舌同雞泡魚乾都唔錯，尤其是鰻魚夠肥美，燒得唔錯。估唔到熱食仲有得揀粉絲扇貝，夠入味！食到尾嘅甜品都唔差，一口氣食左幾支韓國雪條，正！整體都覺得唔錯，下次有機會再試多D熱食先。