大瀛喜日本料理 (已結業)

今朝朋友嚟電話好耐冇食放題，好想食叫我陪佢去，我唯有捨命陪君子，12點幾去到旺角呢一間分店，已經好多人係度食緊嘢。坐低之後掃咗QR code先嗌咗個刺身拼盤有：三文魚、帶子、甜蝦、赤蝦、北寄貝、赤背。上枱賣相靚，全部都新鮮肥美，鍾意食嘅人士叫多一份刺身，已夠晒回本。熟食我吔嗌咗，西京燒比目魚，點上沙津醬非常好味，而且燒得甜甜地！芝士黃金醬燒開邊蝦，入口惹味開胃，蒜蓉粉絲煮帆立貝，面頭放上大量蒜蓉，帆立貝都幾幾甜，而孜然風碳烤羊鞍，食落冇臊味，肉質香嫰，唔柴口！炸物方面，叫咗皇帝蟹棒天婦羅，南瓜、番薯仔天婦羅，榴槤炸彈，樣樣炸得酥脆香口，而且食完都冇好油膩嘅感覺。最後仲叫個蟹黃海皇粥，夠晒足料份量又多，入口綿滑鮮甜，好有滿足感，食完捧著個肚走😂外面仲有自助沙律吧同飲品、雪糕等等嘅甜品無限量供應！