影片
更多
2024-04-25
50 瀏覽
Mix Mediterranean Dips聽個名唔係好知有啲咩，睇相同食評好似唔錯就揀咗佢做前菜，佢分別有3種配菜比你連埋個包一齊食，有炭烤紅椒核桃蓉、鷹嘴豆蓉同埋煙燻茄子蓉。紅椒核桃蓉酸酸哋同辣辣哋，比較濃味，用嚟配包好啱～煙燻茄子蓉味道適中，又真係幾重煙燻味，食落幾得意🤣至於鷹嘴豆蓉都唔普通，口感好細膩幼滑，唔會好濃味，食落好香，如果食曬啲包就咁齋食都得～ 當然唔夠的話可以再叫extra嘅包Beef Steak Sandwich with Caramelized Onion牛扒三文治配焦糖洋蔥份量好大，食咗前菜加半件三文治都已經開始飽～佢係成塊牛扒夾落去三文治度，加上焦糖洋蔥同芝士，味道口感都一流！同埋佢個包煙煙韌韌咁，唔係漢堡包嗰種口感，好好食～Grilled Chicken Skewer香烤雞串咧個main dish一上檯已經聞到好香，影相嗰時已經好想食🤤啲雞肉烤得香之餘唔會乾曬，食落都仲好嫩，而且調味啱啱好，食多幾舊都唔會膩！Pistachio Puff Cake開心果千層酥開心果醬夾喺千層酥入面，食落唔會好寡，而且開心果醬應該係類似吉士醬，所以香甜幼滑得嚟唔會覺得膩，所以
聽個名唔係好知有啲咩，睇相同食評好似唔錯就揀咗佢做前菜，佢分別有3種配菜比你連埋個包一齊食，有炭烤紅椒核桃蓉、鷹嘴豆蓉同埋煙燻茄子蓉。紅椒核桃蓉酸酸哋同辣辣哋，比較濃味，用嚟配包好啱～煙燻茄子蓉味道適中，又真係幾重煙燻味，食落幾得意🤣至於鷹嘴豆蓉都唔普通，口感好細膩幼滑，唔會好濃味，食落好香，如果食曬啲包就咁齋食都得～ 當然唔夠的話可以再叫extra嘅包
Beef Steak Sandwich with Caramelized Onion
牛扒三文治配焦糖洋蔥
份量好大，食咗前菜加半件三文治都已經開始飽～佢係成塊牛扒夾落去三文治度，加上焦糖洋蔥同芝士，味道口感都一流！同埋佢個包煙煙韌韌咁，唔係漢堡包嗰種口感，好好食～
Grilled Chicken Skewer
香烤雞串
咧個main dish一上檯已經聞到好香，影相嗰時已經好想食🤤啲雞肉烤得香之餘唔會乾曬，食落都仲好嫩，而且調味啱啱好，食多幾舊都唔會膩！
Pistachio Puff Cake
開心果千層酥
開心果醬夾喺千層酥入面，食落唔會好寡，而且開心果醬應該係類似吉士醬，所以香甜幼滑得嚟唔會覺得膩，所以幾唔錯～ 如果開心果香可以再濃啲就更加好喇！
Cocktail: Smoky Mill
幾驚喜！上檯嘅時候侍應會揭開個蓋，然後入面啲煙就散曬出嚟。原本以為係得個睇字，估唔到飲落又真係有啲煙味喺入面，而且唔覺好似飲酒咁，一啲都唔苦
Mocktail: Passion Fruit Fizz
中意百香果嘅應該好啱！！佢有熱情果同菠蘿汁，酸酸甜甜咁，應該大部分人都啱飲，就算唔飲酒得閒都可以同朋友過嚟飲返杯，一路傾計一路聽歌放鬆下～
咧度嘅服務同環境都好好，侍應會走過嚟問食物o唔ok，有無要改善嘅地方，及時清理張檯或者換碟。燈光暗暗哋加上有live band，真係好適合放工過嚟抖返晚～ 有好多人過嚟慶祝生日，live band同啲侍應仲會一齊唱生日歌tim😆
張貼
