川燒 (已結業)

放工之後係街漫無目的咁行🚶🏻‍♀️ 經過好多嘢食 最後駐足係一間串燒店前 被入面傳來嘅陣陣香味所吸引🤤 見入面仲有啲空檯 索性入去試吓餐廳環境同裝修都唔錯 氣氛好溫馨 有種日式居酒屋嘅氛圍 好適合一個人係入面慢慢享受😚睇到呢度叫川燒 咁我就想試吓夠唔夠川味🔥 但係因為我唔算太肚餓 所以淨係嗌咗川味麻辣花甲($88)同燒麻辣日本淮山 ($28)花甲係錫紙盒裝住 分量都幾大👌🏻 用嘅係殼比較厚 比較圓圓地嗰種 啲蜆肉唔會甩曬出嚟 汁都留咗係入面 咬落會爆汁💧 仲有麻辣嘅調味🌶️ 果然夠正宗而淮山上到嚟差啲睇唔出係咩 上面搽咗滿滿嘅辣椒醬🥰 食起上嚟既有好香嘅辣味 又不失淮山嘅清甜 水準好高😮