影片
更多
2015-06-13
1235 瀏覽
之前成日d朋友講，元朗有一間日本料理一定要試，今日終於結合天時地利人和，自己去試……一入到去四個師父已經不停地準備午市配菜，刀聲，水聲，一入到門口，一起大叫日語"歡迎光臨"，因我比較早到，所以得我一個客戶，但原全無覺得唔好意思既感覺，因為服務生和師父太有禮貌，一座底服務生已經對我介紹菜單，最後點了午時的師父發板，我特意叫師父出拖羅， 深海池魚刺生比我，師父話無問題，首先先來前菜，共三款，味道唔錯，無咩特別，當食到第三款時 蟹肉蒸蛋時，有驚喜因為好明顯係岩岩出爐，雞蛋7成熟，口感很好。因服務員有介紹每道菜，所以顧客知道自己食緊d咩，唔錯。之後有五款刺生，共十片，加上即磨芥辣，可以帶出日本餐的特色， 其中最欣賞平目，外型好似帶子，但比帶子爽口，有海水香氣，顏色像珍珠般個有光澤。扡羅一食落去， 入口即溶，但因一望已經知道係中扡，所以感覺幾好，但差少少魚味，下一次要試大扡，才可以試得真 。新鮮鯖魚刺生，配合醋漬，入口唔腥，油脂豐富，可以有醋漬關系帶甜味及魚味 。之後到熱食，汁幾好，無咩特別 。當我有六七成飽既時候，再黎壽司五款，1)吞拿魚魚膠位-脂肪細緻，入口即溶，係火炎壽司，但不是扡羅，所以
之後有五款刺生，共十片，加上即磨芥辣，可以帶出日本餐的特色， 其中最欣賞平目，外型好似帶子，但比帶子爽口，有海水香氣，顏色像珍珠般個有光澤。
扡羅一食落去， 入口即溶，但因一望已經知道係中扡，所以感覺幾好，但差少少魚味，下一次要試大扡，才可以試得真 。
新鮮鯖魚刺生，配合醋漬，入口唔腥，油脂豐富，可以有醋漬關系帶甜味及魚味 。
之後到熱食，汁幾好，無咩特別 。
當我有六七成飽既時候，再黎壽司五款，
1)吞拿魚魚膠位-脂肪細緻，入口即溶，係火炎壽司，但不是扡羅，所以沒有浪費。
2)真鯛魚-沒有怪味的白肉刺生，入口清新。
3) 服務員話係細吞拿魚，但小弟未食過或者好似板長備長吞拿魚，無咩特別。
4) 海膽壽司-味道重，但無加膽肥美，幾好。
5)大甜蝦壽司- 甘甜蝦肉，一入口就溶在口中感覺。五分比四分！
之後迷你三色井， 海膽，吞拿魚腩碎，三文魚子， 因為吞拿魚腩帶有油脂，海膽帶水份和脂肪，三文魚子自己諗吧，三樣一齊加飯， 絕配但但會好滯 。間唔中一次，ok
之後再黎一個金目鯛魚湯，味道清新，但魚肉有少少咸，五分比三點五分
最後黎埋個， 自家制特膿紅豆抹茶布甸結尾，好膿抹茶粉味，兩粒紅豆，一匙羹布甸，特別…………
今一次以為係元朗食呢餐物超所值，有驚喜，會再去，食家們真的可以試。
希望可以帶少少意見比大家，多謝
張貼
