圓山台灣料理 (已結業)

放假又系同屋企人飲茶既時間，十二點鐘到酒樓，都幾乎全場滿座，這裡有點心外，還有午市套餐，尖沙咀區算幾抵食，而且款式又多。燒賣：賣相比較普通，肥膏唔算多，味道不錯。鳳爪：帶點微辣惹味，炆得夠腍又入味。豬潤燒賣：豬潤成寸厚，蒸至剛熟，豬潤腍滑，全碟特色所在。春風香脆百花腸粉：以腸粉皮包著春捲，每次必點，外滑內脆，蝦肉彈牙份量多。香煎外婆蘿蔔糕：有絲絲蘿蔔及臘肉，不過可以煎脆一點。香麻炸蛋散：蛋散超大份，炸至脆口，加上香甜糖漿，甜食者至愛。鳳梨酥：外松內軟，咬到絲絲菠蘿，香甜好味。招牌雪影叉燒包：新鮮熱辣麵包鬆軟，表面墨西哥皮香脆。紅豆椰汁糕：fb like送的甜品，椰汁味濃，又不會太甜。