鮨心 ，旬節 (已結業)

做人最緊要舒適，咁辛苦為乜嘢，都係想有好生活，工作時我好勤力，但放工後我比較懶，希望食飯唔使花精神點菜又唔使自己動手，所以都幾鍾意日本廚師發板，荷包唔緊張的時候往往會考慮，要抵食又好食就唔好去旺區中環尖沙咀，花的錢俾咗租唔抵，今晚揀咗嚟旺角但唔食放題，而係食好嘢。細細間只做廚師發板，五個價錢揀，無講錯，揀價錢唔係揀嘢食，廚師話唒事。先付很豐富，枝豆豆腐非常日式，千島汁配天婦羅蝦不知幾夾，我最鐘意水雲山芋蓉，酸酸美美好醒神，仲存有銀魚配青椒、魷魚配日本蘿蔔，螢光魷魚配水菜。壽司刺身各三款，以不同嘅魚生配，我最鍾意笠貝，夠爽，第二件是赤牡丹蝦配櫻花蝦碎，兩種蝦都咁好食，跟著有兩片肥大的拖羅。壽司有鱆魚、吞拿、北海道海膽，海棉蛋是多送的，做得幾好食。中場一客麵鼓馬刀貝，麵鼓調起貝肉的鮮味。蜆麵鼓湯味道豐富嘅麵鼓湯，配合新鮮大蜆，味道好。甜品估唔到有咁多款，先食煎茶雪糕，免得佢溶，配合綠茶粉更有茶香。今晚好運有櫻花餅，唔係櫻花開嘅時候，香味特別，好食，其他幾款都好。