日本黒毛和牛焼肉 牛太 (沙田中心)

營業中

休息中

香港而家開咗好多唔同燒肉嘅放題店，但係如果唔係去到好貴嘅價錢，一般來講食物嘅質素都係十分參差，而且環境一般。而呢一間燒肉店價錢亦都唔算係好貴，但係已經改變左我對燒肉放題餐廳嘅印象，因為佢嘅內在環境非常舒適，兩個人都有卡位坐十分鬆動。餐廳提供好多唔同自家製醬料，令你食嘅燒肉唔會淨係食到同一隻味道。食物方面已經選擇唔係最貴嘅一個餐，但肉類嘅選擇依然係非常之多，牛肉包括左唔同嘅部位，配搭唔同嘅醬料，可謂花多眼亂。而最推介嘅係燒鰻魚，鰻魚一碟雖然得兩片，但係可以任叫，而且肉質非常好，好多餐廳其實係冇呢一個鰻魚選擇。飲品方面亦都有唔同嘅選擇，有罐裝同埋自家製嘅飲品。