影片
更多
2023-02-09
215 瀏覽
早幾日喺港鐵月台見到廣告，先知道渝味曉宇改咗名做方叔叔，店名大眾化咗，好在食物質素依然keep到，我最鍾意嘅燕餃同小酥肉仲係好好食～最鍾意呢道有得揀半份，就算兩個人嚟食都可以嗌多幾款，鴛鴦麻辣鍋一邊係可選辣度嘅重慶麻辣湯底，另一邊自選湯底選擇都多，想清清地可以學我揀菇菌鍋，想養顏飲濃郁湯頭嘅不妨試下佢地新推出嘅花膠雞～餐廳茶水包咗蕎麥茶，麥香突出，想再解辣啲就可以叫杯特飲，洛神花香橙特飲唔太甜亦有消滯效果。改名後最大轉變係佢嘅紅糖糍粑變咗爆漿版，紅糖漿包咗喺糍粑入面，但都唔會過甜，仲冇咁易變乾變硬添～另外值得一讚係改名後好似連服務質素都一併提升，店員好殷勤幫每枱介紹、執枱同調較火力，整體感覺舒適～
最鍾意呢道有得揀半份，就算兩個人嚟食都可以嗌多幾款，鴛鴦麻辣鍋一邊係可選辣度嘅重慶麻辣湯底，另一邊自選湯底選擇都多，想清清地可以學我揀菇菌鍋，想養顏飲濃郁湯頭嘅不妨試下佢地新推出嘅花膠雞～
餐廳茶水包咗蕎麥茶，麥香突出，想再解辣啲就可以叫杯特飲，洛神花香橙特飲唔太甜亦有消滯效果。
改名後最大轉變係佢嘅紅糖糍粑變咗爆漿版，紅糖漿包咗喺糍粑入面，但都唔會過甜，仲冇咁易變乾變硬添～
另外值得一讚係改名後好似連服務質素都一併提升，店員好殷勤幫每枱介紹、執枱同調較火力，整體感覺舒適～
張貼
