小胖台灣便當 (偉華中心)

營業中

休息中

入沙田接老細收工，我個肚餓到肚打鼓，諗起沙田偉華中心有間台灣嘢，經濟實惠，即刻衝過去試吓。便當質素真心唔錯！老細叫咗個蜜汁雞扒香腸便當，雞扒外皮煎到微微焦香，蜜汁甜度剛好，唔會太膩。我嗰個古早烤豬肉香腸便當，豬肉醃得入味，肉質又夠淋，唔會又嚡又靱，最驚喜係條台灣腸，甜甜地淋淋地，好有台灣風味，我忍唔住偷食咗老公半條腸！另外加咗碟香蔥油燙青菜，蔥油香到爆，而且份量十足，兩個人食都夠。飲品方面，我揀咗冷泡梔子花綠茶，清香解膩；老公就要咗芙香蘋果茶，酸甜開胃。食到咁上下已經好飽，原本仲想試嘅鹽酥雞同花枝丸～唯有留返下次。呢間小店雖然唔算好大，但食物有水準，價錢又合理，絕對係沙田區一個唔錯嘅台灣菜選擇！見到推出全新蛋餅款式，外皮酥脆，內餡豐富，仲有多款口味選擇，下次可以試吓台灣獨特風味～見到佢啲便當套餐$62起，仲要買得愈多, 就會折得愈多：60個起有8折、40個起85折少少地20個起都有9折～下次team building 都可以試吓～佢仲有個app～有得儲積分，又有迎新優惠，升級優惠，提供不同折扣嘅優惠券，仲有預付卡，有興趣可以親臨門市或透過whatsapp查詢及預訂。