手卷駅

營業中

休息中

聽沙田嘅朋友講禾輋開咗間新嘅日式手卷小店，今日過開嚟就叫個手卷食下先。舖頭喺街市隔離。叫咗全隻軟殼蟹手卷$29，見到店員新鮮即刻整。軟殼蟹真係幾足料，成隻蟹手卷入面，啱啱就好熱辣辣，好鬆脆，食到有蟹肉，唔係乾爭爭嗰啲。另外仲有吉列蝦卷，面頭有啲沙律醬，呢個一般般啦。另外仲有玉子燒，估唔到入面有啲飯，又係熱辣辣嘅，加埋啲醬幾好食。口痕想食下日本嘢嘅朋友可以嚟幫襯下，支持小店。見到有下午茶餐都幾抵食！下次再嚟食軟殼蟹手卷先！