影片
更多
2019-06-02
4197 瀏覽
今日同隻佬冇開飯開，又咁岩係面書睇到小店訪問，黎試下！店主本來只係整蛋糕依家連餐廳決定都試埋，值得支持下！可能平時冇乜人，我地黎到就入座，我地叫左兩個晚餐，餐廳暫時未有其他野選！沙律二人份，份量唔細！個煙肉脆脆好硬，但好香口！沙律菜好新鮮，沙律醬好開胃，蕃茄好甜 👍🏻南瓜湯好滑，入口仲有好多纖維，唔錯！我地仲話細碗，但其實好飽肚！經典卡邦尼意粉配63度慢煮溫泉蛋及香脆煙肉，個蛋好正，入面有野流出黎，但未熟，最愛半熟蛋！個意粉熟度岩岩好，軟硬適中！有脆同唔脆既煙肉，煙肉同卡邦尼真係好好朋友 🥰 你睇以為唔係好大碟，但其實份量都真係好大 😱 食呢個都半飽 😋另一個係 香煎柚子雞腿肉配蕃茄意粉，我本來覺得兩者唔夾，估唔到都唔錯喎！個雞扒煎到勁脆皮，配柚子醬好清新！雞肉都好入味！意粉同蕃茄醬不嬲都係朋友，唔駛介紹 😋😋 飲品種類唔多，我叫左特盛水果茶，見到面有腳印冰好可愛，但唔夠凍，呢個可以改善！話哂岩岩新開！之後隻佬叫左凍檸茶，但原來佢地沖定，加左糖，但因為想走甜，侍應話等佢再沖過，太好喇！呢點值得一讚 👍🏻 茶味好夠，唔錯！甜品我以為可以選千層蛋糕，冇得選，但有雪糕 💞 有芋頭同香蕉，最後
可能平時冇乜人，我地黎到就入座，我地叫左兩個晚餐，餐廳暫時未有其他野選！
沙律二人份，份量唔細！個煙肉脆脆好硬，但好香口！沙律菜好新鮮，沙律醬好開胃，蕃茄好甜 👍🏻
南瓜湯好滑，入口仲有好多纖維，唔錯！我地仲話細碗，但其實好飽肚！
經典卡邦尼意粉配63度慢煮溫泉蛋及香脆煙肉，個蛋好正，入面有野流出黎，但未熟，最愛半熟蛋！個意粉熟度岩岩好，軟硬適中！有脆同唔脆既煙肉，煙肉同卡邦尼真係好好朋友 🥰 你睇以為唔係好大碟，但其實份量都真係好大 😱 食呢個都半飽 😋
另一個係 香煎柚子雞腿肉配蕃茄意粉，我本來覺得兩者唔夾，估唔到都唔錯喎！個雞扒煎到勁脆皮，配柚子醬好清新！雞肉都好入味！意粉同蕃茄醬不嬲都係朋友，唔駛介紹 😋😋
飲品種類唔多，我叫左特盛水果茶，見到面有腳印冰好可愛，但唔夠凍，呢個可以改善！話哂岩岩新開！
之後隻佬叫左凍檸茶，但原來佢地沖定，加左糖，但因為想走甜，侍應話等佢再沖過，太好喇！呢點值得一讚 👍🏻 茶味好夠，唔錯！
甜品我以為可以選千層蛋糕，冇得選，但有雪糕 💞 有芋頭同香蕉，最後我地選哂香蕉，食落似係自家制，香蕉味好好 👍🏻
張貼
