影片
更多
2018-06-05
1673 瀏覽
之前幫趁過四五次, 覺得價錢唔算貴, 食物味道算不錯, 所以都返轉頭再吃.今日三人行, 先叫了鹵水鵝, 紫菜蠔仔粥, 及沙爹牛河.- 鹵水鵝 $90, 鵝如其菜名, 老. 好有韌力嘅肉令我聯想起多年前在中環鏞記食到的那碟燒鵝, 一模一樣咁又老又韌. 除左面頭三四件有D肉之外, 其餘都係背脊位同D边皮, 冇乜肉食. 呢碟完全唔掂, 10分滿分俾4分.- 紫菜蠔仔粥(碗)$45, 蒲面大部份是肉碎, 不見蠔仔. 以為佢俾錯, 再撈吓粥(飯)底先見到D蠔. 成碗粥都好水吓, 飯和蠔都不多, 用料同以前差好遠, 味道尚算保持, 俾6分. 咁情况之下, 覺得三樣嘢會唔夠食, 所以即刻叫多碟褔建炒飯.- 沙爹牛河 $55, 味道一如以往, 但今次唔夠芡, 食到一半已經冇乜, 俾6分.- 福建炒飯 $70, 足料夠大碟, 個芡好香瑤柱味, 但蝦仁個樣有D膠同死實實. 四碟之中以呢碟叫做最好, 俾7.5分.最後牛河和福建飯各剩一半, 同行友人話夠, 但見佢地食得唔多.本身非常支持由非集團經營的小店, 但都需要它們自己有心機做.今次食完真係有点失望. 食物質素覺得一次差過一次, 服務則仍維持在80年代
今日三人行, 先叫了鹵水鵝, 紫菜蠔仔粥, 及沙爹牛河.
- 鹵水鵝 $90, 鵝如其菜名, 老. 好有韌力嘅肉令我聯想起多年前在中環鏞記食到的那碟燒鵝, 一模一樣咁又老又韌. 除左面頭三四件有D肉之外, 其餘都係背脊位同D边皮, 冇乜肉食. 呢碟完全唔掂, 10分滿分俾4分.
- 紫菜蠔仔粥(碗)$45, 蒲面大部份是肉碎, 不見蠔仔. 以為佢俾錯, 再撈吓粥(飯)底先見到D蠔. 成碗粥都好水吓, 飯和蠔都不多, 用料同以前差好遠, 味道尚算保持, 俾6分.
咁情况之下, 覺得三樣嘢會唔夠食, 所以即刻叫多碟褔建炒飯.
- 沙爹牛河 $55, 味道一如以往, 但今次唔夠芡, 食到一半已經冇乜, 俾6分.
- 福建炒飯 $70, 足料夠大碟, 個芡好香瑤柱味, 但蝦仁個樣有D膠同死實實. 四碟之中以呢碟叫做最好, 俾7.5分.
最後牛河和福建飯各剩一半, 同行友人話夠, 但見佢地食得唔多.
本身非常支持由非集團經營的小店, 但都需要它們自己有心機做.
今次食完真係有点失望. 食物質素覺得一次差過一次, 服務則仍維持在80年代水平. 真心希望此店可以做番好D, 給我們打工仔多個選擇. 但短時間內相信沒有推動力令我再去幫趁.
張貼