齊柏林熱狗店 (登打士街)

旺角真係好多嘢食 ，特別係呢條街有黃到金嘅光榮冰室， 隔離街有好好味嘅越南同台灣黃店， 轉個彎又有 好熱血嘅皇茶， 有平有貴 真係任君選擇。 今次加埋呢家好好食既黃店， 真係不得了。

之前喺 西灣河試過呢間好出名嘅熱狗店。 竟然喺旺角又撞到佢 ， 雖然佢係試業 只有幾款熱狗畀人揀但係40幾至50蚊一個set 加埋兩種小食或者飲品， 真係未食都覺得好抵。

上次試咗個美國洋蔥圈熱狗， 今次畀到澳式風情熱狗吸引住。

澳式風情熱狗

$38

佢有芝士， 煙肉，菠蘿，千島醬 同埋紐倫堡腸 其實好似覺得自己食緊一個夏威夷pizza咁，但肉腸既香味話你知 你係食緊熱狗啖啖溶左既芝士，加上咬菠蘿時bi出黎既汁。 真心正。

跟餐細薯條牛油粟米杯

$12

加12蚊可以配兩款小食， 你可以揀薯條，粟米杯或者汽水。仲好似有菠蘿。 我揀咗細薯條同牛油粟米杯， 睇圖就知個細薯條一啲都唔細。 醬料好多， 勸大家買完要即刻食如果唔係好快就冇咁脆。 個粟米杯好重份量，食極都唔完咁。牛油味比較薄身 可以重少少會更好。。。 by the way我細食所以呢三樣嘢完全食唔曬。

totat $50 蚊, lunch嘅價錢可以接受，如果你當佢做晚餐就真係抵啦 😄 佢冇地方坐或檯比你企係到食，大家買完真係要搵個地方坐低食。 佢唔似隔離鋪d一串串嘅嘢食,你企喺度就可以食完就走 。又薯條又粟米又熱狗...真係要坐低或有番張檯慢慢食先得。

下次經過想食芝味熱狗佢話有三種熱熔嘅芝士更加會有蛋黃醬係中間，睇佢嘅描述已經流曬口水喇。