好梳芙甜品屋

營業中

休息中

住馬鞍山嘅我竟然無發現依間咁有心嘅甜品小店😂😂，本身冇諗過出post，所以只係影咗香蕉Oreo朱古力雪糕窩夫🤣。.📍芋泥芋圓仙草凍柔滑的芋泥香甜可口，Q彈的芋圓口感豐富，仙草凍同平時食似涼粉嘅口感唔同，驚喜地係有少少煙靭嘅感覺，三者互相配合，推介~.📍香蕉Oreo朱古力雪糕窩夫窩夫可以選擇半份(2件)或1份(4件)幾貼心，落單後即叫即整，需要等少少時間，窩夫入口有蛋香，外脆內軟，配上香蕉，Oreo和雪糕等配料，轉下眼就清咗一份🤣.📍新鮮純椰皇水原汁原味，口感清甜😆😆有分幾個唔同size，可以叫一杯即刻飲，或者買大桶嘅仲做椰子雞煲湯底，正~.難得在馬鞍山食到有心嘅小店值得推介一下，質素ok，可以慢慢坐，店員唔會食完即刻收你碟，想趕你走嗰隻😂，如果想係馬鞍山食甜品或者搵個地方吹吓水，可以過嚟試下😋支持本地消費，支持好食嘅小店，立即介紹俾你住馬鞍山嘅朋友啦😙，有機會去試吓。