基隆茶餐廳

營業中

休息中

近日因為一人盆菜嘅風波，令作風一向低調，位於深水埗嘅良心飯店——基隆茶餐廳，得到大家深切關注。其實深水埗基隆茶餐廳嘅老闆娘Cat姐喺90年代就開始幫助基層市民，向有需要嘅人派發飯盒。今日我就嚟到基隆茶餐廳食下午茶，支持一吓呢間愛心飯堂。常餐嘅選擇有三種，分別係叉燒、雪菜絲同沙嗲牛肉，識食就梗係食沙嗲牛肉啦！沙嗲牛肉麵嘅沙嗲汁濃郁，麵底掛湯而且軟硬適中。跟餐仲有牛肉奄列，煎得好吃，味道唔錯。下午茶嘅即炒粉麵飯選擇多，而且價錢平。呢個時菜沙嗲牛河份量唔少，牛肉入味軟腍，如果河粉都可以炒炒會更加好味。