本來想去印度店食 roti, 點知佢無開門 :(, 喇沙店及蛇竇 (http://www.openrice.com/restaurant/commentdetail.htm?commentid=2001881) 又多人到嘔, 最後求其入了呢間茶記快快搞掂就算.
習慣了唔睇餐牌就咁 order 熱奶茶 + 沙爹牛麵, 但阿姐話「無公仔麵喎! 餐牌嗰個係早餐嚟0架!」
咁要鴨脾湯飯吧, 點知阿姐又話「湯飯要夏天先有」 , 跟住「推介」我食「菜遠牛肉湯米」, 因為同沙爹牛麵「差不多啫」咁話 遇上「麥兜」一樣的情節, 無心情反抗了, 菜遠牛就菜遠牛吧, 不過一間茶記竟然連最基本的食物都無供應, 真係第一次見.
先嚟奶茶, 色水不錯, 飲落質地唔算滑, 茶味唔算好香, 不過奶味 vs 茶味約 4:6, 無澀味, 算 ok 吧.
而近乎「硬食」的「菜遠牛肉湯米」就其實係一碗菜遠炒牛肉「塔」喺面的普通湯米, 牛肉滑口又「擦膠」得過份, 肉味就當然無啦; 菜心大大棵, 食落算清甜, 不過有渣的; 米粉可幸淥得 ok, 不過湯底被面頭的勁杰芡汁搞到杰埋一份, 油淋淋又「漿糊」一樣, 都幾 xyz.
求其食完匆匆埋單鬆人, 咁「後現代」的地方都係唔啱我呢 d 老餅的了, 後會無期!
