蘇媽.蘇媽馬來西亞茶餐室 (已結業)

今日出尖沙咀彌敦道逛The One，有日式百貨超市，仲有日式零食專門店，滿載而歸，係時候搵地方歇一歇腳，食個下午茶，加連威老道《蘇媽》 好有旅行feel，店內裝修好別緻，馬來亞風味。老公鍾意食佢嘅檳城白咖哩滲滲(油麵+米粉)，材料非常豐富，有豬紅、蝦仁、雞蛋、魚蛋、豆角、芽菜等等，特色參巴醬會放埋一邊，自己調教辣度，白咖哩湯底一流，記得試番佢嘅頭啖湯。仲有自己喜歡嘅咖央多士都必須要叫，甜甜椰香味道，好啱來個下午茶。另外叫咗個玻璃魷魚通菜，夠曬健康，炸蒜鋪面，水魷魚同埋菜都係淥熟，一點兒也不肥膩。叫多個小朋友實喜歡嘅美祿朱古力特飲。