影片
更多
2025-05-11
85 瀏覽
作為一個港女，食飯嘅時候除咗要睇吓啲嘢好唔好食，仲要有得打卡🍽️✨今次呢就嚟咗位於尖沙咀嘅 **GoodDay BadDay MamaDay** (尖沙咀)，間餐廳個位置係非常之方便，約朋友聚會最啱就係搵啲地理位置方便嘅地方，地鐵站一出去行大概5分鐘就到啦 🚇💨餐廳位於一樓，要行一層樓梯上去，喺個樓梯已經有好多啱打卡嘅裝置，有啲好搞笑嘅作品 😂📸。上到去餐廳入邊坐，入面超級闊落，現場見到有唔少一大班人聚會嘅群組 🥳👯♀️。我哋打開個餐牌，有好多唔同嘅食物選擇。我同你講唔止個餐廳名夠特別，有啲菜式嘅名都一樣咁特別 🤔🌟。前菜我哋嗌咗三文魚牛油果莎莎，酸酸甜甜嘅醬汁配上三文魚同牛油果，令人忍唔住食完一啖又一啖 😋🍣🥑。今期嘅期間限定，我要咗個肉桂士多啤梨黑毛豬肋骨。大大嚿豬肋骨配上沙律，肉桂士多啤梨配上酸酸甜甜嘅醬汁，超級開胃 😍🍖🍓。另外亦都嗌咗真心冇乜驚喜大啡菇黑松露意大利扁麵。純粹因為個名好特別所以我嗌咗，但食落口一啲都唔失望。每一條麵條都沾滿咗醬汁，而且超級入味 🍝🍄。打開沙律嗰頁，見到有美利堅合眾國草飼牛扒。沙律同埋牛扒嘅量各佔一半，牛扒我揀咗五成熟，每塊牛都好有牛味，配上佢嘅芥末
今次呢就嚟咗位於尖沙咀嘅 **GoodDay BadDay MamaDay** (尖沙咀)，間餐廳個位置係非常之方便，約朋友聚會最啱就係搵啲地理位置方便嘅地方，地鐵站一出去行大概5分鐘就到啦 🚇💨
餐廳位於一樓，要行一層樓梯上去，喺個樓梯已經有好多啱打卡嘅裝置，有啲好搞笑嘅作品 😂📸。上到去餐廳入邊坐，入面超級闊落，現場見到有唔少一大班人聚會嘅群組 🥳👯♀️。
我哋打開個餐牌，有好多唔同嘅食物選擇。我同你講唔止個餐廳名夠特別，有啲菜式嘅名都一樣咁特別 🤔🌟。
前菜我哋嗌咗三文魚牛油果莎莎，酸酸甜甜嘅醬汁配上三文魚同牛油果，令人忍唔住食完一啖又一啖 😋🍣🥑。
今期嘅期間限定，我要咗個肉桂士多啤梨黑毛豬肋骨。大大嚿豬肋骨配上沙律，肉桂士多啤梨配上酸酸甜甜嘅醬汁，超級開胃 😍🍖🍓。
另外亦都嗌咗真心冇乜驚喜大啡菇黑松露意大利扁麵。純粹因為個名好特別所以我嗌咗，但食落口一啲都唔失望。每一條麵條都沾滿咗醬汁，而且超級入味 🍝🍄。
打開沙律嗰頁，見到有美利堅合眾國草飼牛扒。沙律同埋牛扒嘅量各佔一半，牛扒我揀咗五成熟，每塊牛都好有牛味，配上佢嘅芥末醬汁，感覺好match 😍🥗🥩。大量嘅沙律菜，亦都令我減低咗對呢一餐飯嘅罪惡感 😂😂😂。
甜品我嗌咗唔甜的紫薯蛋糕。佢個名果然冇呃我，個紫薯一啲都唔甜，啱唒我呢個唔鍾意食甜嘢嘅人。個芝士蛋糕亦都唔膩，好正 🥰🍰。
嘢飲方面，我嗌咗放心無咩杏仁味好香的杏仁焦糖薰綠茶。😂真係好放心，係冇杏仁味。茶味嘅甘香，亦都令個人覺得好fresh，同時可以消消滯 🍵✨。
總而言之呢一間嘅餐廳性價比超高，有美食，亦都有得打卡，下次約埋班老友再黎先 🥳👍。
**GoodDay BadDay MamaDay (尖沙咀)**
📍尖沙咀加連威老道27-27A號嘉榮大廈地舖及1樓
@omg_mamaday
張貼
