影片
更多
2025-03-31
144 瀏覽
得知此店近期改以“居酒屋”為命名，更以$58蝦湯拉麵+$1鵝肝壽司作招徠，等地一試。門口未見有上述推廣的宣傳品，上FB搵先見到相關優惠，在推廣方式上有點奇怪。入門口至離座都未見有任何服務元素，全自助QR code落單模式，食物直接落枱至收錢都係零互動。幸好惠顧時間屬午市時段，未收加一服務費，否則10%絕對唔值。環境方面承認裝飾品係有啲心機，但服務一環已經扣番唔少分。蝦湯叉燒拉麵 - 蝦湯味濃郁，但麵質未能將濃味帶出，食落麵有麵味、湯有湯味。溏心蛋醬油味唔夠。兩片叉燒兩片都係凍，要靠熱湯將佢加溫先食到，令人失望。鵝肝壽司 - 鵝肝中等大細，都係對家大牌嘅“焦糖味”；飯雖有醋味，但都係凍。只能說$1價錢嚟講，豈敢投訴。此店試過做放題，今次又轉陣做“居酒屋”，但骨子裏嘅出品同服務表現一直都處於疲態。希望店家可以好好加油，否則都係只能艱苦經營，無限輪迴。
入門口至離座都未見有任何服務元素，全自助QR code落單模式，食物直接落枱至收錢都係零互動。幸好惠顧時間屬午市時段，未收加一服務費，否則10%絕對唔值。環境方面承認裝飾品係有啲心機，但服務一環已經扣番唔少分。
蝦湯叉燒拉麵 - 蝦湯味濃郁，但麵質未能將濃味帶出，食落麵有麵味、湯有湯味。溏心蛋醬油味唔夠。兩片叉燒兩片都係凍，要靠熱湯將佢加溫先食到，令人失望。
鵝肝壽司 - 鵝肝中等大細，都係對家大牌嘅“焦糖味”；飯雖有醋味，但都係凍。只能說$1價錢嚟講，豈敢投訴。
此店試過做放題，今次又轉陣做“居酒屋”，但骨子裏嘅出品同服務表現一直都處於疲態。希望店家可以好好加油，否則都係只能艱苦經營，無限輪迴。
張貼
